Feldşer

Zəhərlənmənin əlamətləri meydana çıxdıqda ürək qlikozidlərinin tətbiqini dayandırmaq və onların antaqonistlərini təyin etmək lazımdır. Bu məqsəd ilə unitioldan, kalium preparatlarından istifadə edilir.

İltihab əleyhinə preparatlar prostaqlandinlərin biosintezini blokadaya aldığına görə revmatizmdə, poliartridlərdə istifadə edilir.

Birincili morfoloji elementlər
8 birincili morfoloji element var: ləkə (macula), düyüncük (papula), qabarcıq (tuberculum), düyün (nodus), köpüşük (urtica), qovuqcuq (vezicula), qovuq (bulla), irincik (pustula)
Köpüşük (urtica) - boşluqsuz,kəskin iltihabi, dəri səviyyəsindən qalxan elementdir,-dermanın məməcikli qatının məhdud kəskin iltihabı nəticəsində əmələ gəlir. Ağımtıldan çəhrayımtıl-qırmızı rənglərə malikdir.Noxud ölçüsündən ovuc içi və daha böyük ölçülərdə olur. Köpüşüyün aşağıdakı növləri var: numulyar, lentikulyar, nəhəng, hörüyəbənzər, zolağabənzər. Köpüşüklər qaşınma ilə müşayiət olunur, xüsusən qaşınma vaxtı periferik inkişafa meyillidir, tez itirlər (bir neçə saat ərzində), özündən sonra iz qoymurlar. Köpüşüklər övrədə, Dürinq dermatitində, uşaq qaşınma xəstəliyində,flebotodermiyada rast gəlinir

Qovuqcuq (vezicula) - epidermisdə eksudat toplanması nəticəsində əmələ gələn şəffaf seroz möhtəviyyatlı boşluqlu kəskin iltihabi elementdir.Qovuqcuqlar epidermaldaxili (epidermisin qatları arasmda yerləşirlər), subepidermal (epidermisin altında yerləşirlər), yunktional (epidermislə derma arsmda sərhəddə yerləşirlər-sərhədçi) ola bilirlər. Ölçüləri sancaq başından noxud böyüklüyünə qədərdir. Forması yarımkürə şəklindədir. Qovuqcuqlar izoləolunmuş (tənha) və ya qruplarla (herpesşəkilli) yerləşə bilirlər. Qovuqcuqlar təkamül prosesi nəticəsində deşilib eroziya əmələ gətirirlər və ya quruyub qartmaqla örtülürlər,düşəndə yerində piqmentli və ya hiperpiqmentli ləkələr qalır ki,onlar da sonradan iz qoymadan itirlər. Qovuqcuqlar sadə herpesdə,kəmərləyici dəmrovda,ekzemada, Dürinqin herpesşəkilli dermatitində müşahidə olunur.