Tibb bacısı

Nikturiya sidiyin miqdarca pozğunluqlarına aiddir. Nikturiya sutkalıq sidiyin miqdarının yarısının və ya daha çox hissəsinin gecələr ifraz olunmasına deyilir.

Sidiyin kəmiyyət pozğunluqları 4 yerə bölünür : poliuriya, oliquriya, opsouriya, anuriya. Poliuriya sutkalıq sidiyin miqdarının 2000 ml-dən çox olmasına deyilir.

Dəriiçi inyeksiya aparmaq üçün diametri 0,4 mm, uzunluğu isə 15 mm olan 1 ml-lik şpris götürülür, iynənin kəsiyi 40-45 dərəcə olur. İnyeksiya zamanı yalnız iynənin ucu- kəsik hissəsi dəriiçinə yeridilir.Əks halda iynə dəri altına düşür.

Steril yağlı məhlulu bədənə yeritmək üçün onu 38 0- dək, yəni bədən temperaturuna uyğıun qızdırmaq lazımdır, çünki isidilmiş məhlul yaxşı sorulur, infiltrat, abses əmələ gəlmə riski azalır.

Dəriiçi inyeksiya aparmaq üçün diametri 0,4 mm, uzunluğu isə 15 mm olan 1 ml-lik şpris götürülür, iynənin kəsiyi 40-45 dərəcə olur. İnyeksiya zamanı yalnız iynənin ucu- kəsik hissəsi dəriiçinə yeridilir.

Əzələ daxilinə yeridilən yağlı məhlulun miqdarı 2 ml – dən çox olmamalıdır.Məhlul mütləq qızdırılmalıdır. Əks halda, məhlulun sorulması cətinləşir.

Dərman maddələrinin yeridilməsi zamanı baş verən allergik reaksiyanın ən ağır forması anafilaktik şokdur. Anafilaktik şok zamanı : dəri qızarır, qaşınır, öskürək tutmaları, təngnəfəslik,qusma, arterial təzyiqin enməsi, taxikardiya, aritmiya, huşun itməsi kimi əlamətlər baş verir.

Parenteral, yəni həzm traktından kənar yolla dərmanlar orqanizmə inyeksiya vasitəsilə, steril məhlul şəklində yeridilir.Əks halda orqanizmə infeksiyanın yoluxma təhlükəsi yarana bilər.

İnsulin yeridildikdən 30 dəqiqə sonra tibb bacısı xəstəni yedizdirməlidir , əks halda xəstə hipoqlikemik komaya düşə bilər.

İnsulin artıq dozada yeridildikdə xəstədə hipoqlikemik koma baş verir, qanda şəkərin səviyyəsi düşür. Bu zaman xəstədə kəskin aclıq hissi , baş ağrısı, əsəbilik olur.Belə xəstəyə dərhal içməyə şirin çay verilir, vena daxilinə 20- 40 ml 40 %-li qlükoza məhlulu yeridilir.

Hipertonik kriz arterial təzyiqin kəskin qalxması deməkdir.Buna görə də yalnız arterial təzyiqi ölcməklə hipertonik krizin olub-olmamasını təsdiq etmək olar.

Stasionarın qəbul şöbəsinə ağır xəstə daxil olduqda tibb bacısı ilk növbədə təcili həkim çağırmalıdır, sadalanan digər vəzifələr isə sonra yerinə yetirilir.

Vərəm xəstəliyi zamanı qida rasionunda zülalların ,mineral maddələrin və vitaminlərin miqdarı artırılır, xəstə gündə 5 dəfə qidalanır, xəstəyə 11 № li pəhriz təyin edilir.Bu, xəstənin immunitetini artırmaqla yanaşı eyni zamanda vərəm əleyhi müalicənin effektini də artırır.

Sıfır pəhrizi stolları həzm traktı orqanlarında cərrahi əməliyyat keçirmiş xəstələrə tətbiq edilir. Pəhrizin məqsədi bağırsağın köpməsini azaltmaq ,həzm üzvlərinin üzərinə düşən yükü azaltmaq , adi qidalanmaya əks-göstəriş olduğu hallarda xəstənin qidalanmasını təmin etməkdir.

İsidici kompreslər təmiz ,zədələnməsi olmayan dəriyə qoyulur .İsidici kompresi hazırlamaq üçün 8 qat bükülmüş tənzifdən, kompres kağızından, pambıq və bintdən istifadə edilir.

İsitqacların istifadəsi quru istinin təsirindən əzələlərin yumşalması ,yerli qan dövranının həcminin artması, sorucu və ağrı kəsici effektə əsaslanır. Bu baxımdan soyuqlama zamanı isitqac göstəriş sayılır.

Tibb bacısı dərmanları xəstənin yatdığı palatanın nömrəsini, xəstənin soyadını göstərməklə əvvəlcədən hazırlayır, gündə lazımi qədər həmin dərmanları paylayır və xəstənin dərmanı qəbul etməsinə nəzarət edir.

Şöbədəki bütün palata və prosedura otağı tibb bacılırının verdiyi məlumatlara əsasən, şöbənin baş tibb bacısı xəstəxananin aptekinə tələbnamə yazaraq, dərman maddələrini oradan alır və dərmanların sayina və keyfiyyətinə görə cavabdehlik daşıyır.

Qanburaxma zamanı venepunksiyadan istifadə edilir. Bu əməliyyat zamanı turna qan götürülüb qurtardıqdan sonra açılır.İynə sonra çıxarılaraq dərhal yerinə tampon qoyulur və sıxılır.

Flüoroqrafiya ağciyərlərin kütləvi müayinə metodu olub, gün ərzində bu metodla 300-ə qədər şəxsi müayinədən keçirmək mümkün olur.