Tibb bacısı

Bədən temperaturuna uyğun olması üçün köçürülən qan 37-38 C0-yə qədər qızdırılmalıdır.

Buz əriyənə qədər buz qovuğu əməliyyat sahəsində saxlanılır.

İynə venadan turna açılmamış çıxarılarsa venadan qan xaric olar. Bunu nəzərə alıb iynəni çıxarmamış turnanı açmaq lazımdır.

Hidrodenit - tər vəzilərinin iltihabıdır. Bu vəzilərə infeksiya düşdükdə əmələ gəlir. Şəxsi gigiyenaya riayət etmədikdə hidrodenit əmələ gəlməsi riski çoxalır.

Qazlı qanqrenanın törədiciləri digər yaralara düşdükdə tezliklə yoluxma əmələ gətirir.Ona görə də belə xəstələr təcrid palatasında yatır və onların sarğısı da palatada aparılır və sarğı materialları sonra yandırılır.

Bütün geniş sahəli təsadüfi yaraların hamısında passiv immunizasiya məqsədi ilə Bezredko üsulu ilə (sınaqlardan sonra) əzələ daxilinə 3000 BV tetanus əleyhinə zərdab və aktiv immunizasiya məqsədi ilə 0,5-1 ml anotoksin vurulur.

İti alətlərlə kəsilmiş yaralara xas olan əlamətlərdən biri, yara kənarlarının düz və hamar olmasıdır. Qan xaricə axır, irinləmə ehtimalı az olur.

Yerli olaraq udlaq nahiyyəsinə və dil kökünə 1%-li dikain sürtülür.

Əməliyyatdan sonrakı gün aseptik yara olduğu üçün üzəri yenidən yodonatla işlənir və quru aseptik sarğı qoyulur ki, yaraya infeksiya düşməsin.

Təsadüfi yaralanma zamanı yaraya ətraf mühitdən infeksiyanın düşəcəyini nəzərə alıb üzərinə aseptik sarğı qoyulur və qanaxmanın, qorxulu ağırlaşmaların baş verməməsi üçün ilk növbədə qanaxma hər hansı bir üsulla saxlanılır. Yaranın xarakterindən asılı olaraq travmatik şokun profilaktikası üçün ağrıkəsici işlədilir.

Ağciyər qanaxmasında xəstədə təngnəfəslik əmələ gəldiyi üçün, xəstə yarım oturaq vəziyyətdə daşınır.

Yuxu arteriyası zədələrkən qan təzyiqlə axır və çox qısa müddətdə çoxlu qan itirməyə səbəb olduğuna görə ölümə səbəb olur. Bu səbəbdən də vaxt itirmədən yuxu arteriyası barmaqla VI boyun fəqərəsinin köndələn çıxıntısına sıxılır.

Bütün üsulların hamsında əməliyyat və sarğı otağının havasında mikrob qalır, yalnız bakteriosid lampalarla şüalandırıldıqdan sonra mikroblar məhv olur.

Əməliyyat bloku həftədə bir dəfə böyük tibb bacısının qrafiki əsasında əməliyyat təyin olunmayan gün əsaslı olaraq təmizlənilir.

Damcı infeksiyalarının qarşısını almaq üçün, əməliyyat işçirakçıları və tibb işçiləri maska taxmalıdır.

Kimyəvi maddəni kənarlaşdırmaq üçün zərəçəkənə ilıq su içirdilir və şokun qarşısını almaq üçün ağrı kəsici prepatar vurulur.

Zərərçəkəni daşıyarkən bəzən sınmış sümük fraqmentləri yerini dəyişir bu da ətraf toxumalarının və qan damarlarının zədələnməsinə səbəb olur. Ona görə zədələnmiş nahiyə şinalar vasitəsi ilə imobilizasiya olunur.

Çıxıqlar zamanı oynaq başı oynaq çüxurundan çıxır və oynaq kapsulasını zədələyərək yumşaq toxumaların arasına keçir.Bu zaman qanaxma, ağrı, şişkinlik əmələ gəlir, qarşısını almaq üçün oynağa soyuq kompres qoyulur, oynaq fiksasiya olunur və ağrıkəsici preparat verilir.

Enli bintin ucları iki hissəyə ayrılır və əks tərəflərdə bağlanır. Sapandvari sarğı sarğı aşağı çənəyə, buruna, başa qoyulur.

Tısbağavari sarğı diz və dirsək oynaqlarını sarımaq üçün münasibdir və qoyulma formasından asılı olaraq yaxınlaşan və uzaqlaşan forması var. Yaxınlaşan formada binti oynaqlardan yuxarıda və aşağıda dairəvi dolayıb oynaq çuxurunda çarpazlayır. Uzaqlaşan formada isə əksinə.