Tibb bacısı

Kişilərdə sidik kanalının uzunluğu 19-20 sm.-dir.Əgər kateterdən sidik gəlirsə demək kateter sidik kisəsindədir.

Qastrostomalı xəstələrdə qastrostomadan mədəyə kalorili,tez həzm olunan,həlimşəkilli konsistensiyada qida maddələr yeridilir.Xəstələrin qidalanması 4-6 dəfədən az və ya çox olmamalıdır.

Qastrostomalı xəstələrdə qastrostomadan mədəyə kalorili,tez həzm olunan,həlimşəkilli konsistensiyada qida maddələr yeridilir.Xəstələrin qidalanması 4-6 dəfədən az və ya çox olmamalıdır.

Autoimmobilizasiya zədələnmiş nahiyənin sağlam tərəfə təsbit olunmasıdır.Yuxarı ətrafın zədələnməsi zamanı onu gövdəyə bintlə sarımaq və ya ləçəkvari sarğı ilə fiksə etmək lazımdır.Aşağı ətrafın zədələnməsində zədələnmiş ətraf sağlam tərəfə fiksasiya olunmalıdır.

Sidik-ifrazat sistemində aparılmış əməliyyatdan sonra tibb bacısının işinə xəstəyə sistostomaya qulluğu öyrətmək aiddir.

Bütün drenajlar mütləq steril olmalı və bir dəfə istifadə üçün nəzərdə tutulmalıdır. Borulu drenajlar istifadədən əvvəl 0.9%-li natrium xlorid məhlulu ilə yuyulmalıdır.

Yaradan, boşluqlardan möhtəviyyatın xaric edilməsi və dərman maddələri ilə yuyulması drenajlanma adlanır. Drenajlanma tənzif və borulu drenajların vasitəsilə həyata keçirilir. Drenajlanma üç cür olur: passiv, aktiv və aspirasion-şırınqa yolu ilə.

Yanıqlar zamanı ilkin tibbi yardıma xəstəni qusdurmağa cəhd etmək yox,termiki amilin dəriyə təsirini dayandırmaq,yanmış sahəni soyutmaq,aseptik sarğını qoymaq və ağrısızlaşdırmaq aiddir.

Texniki yanıqlar zamanı xəstəni sarğıya hazırlamaq üçün yerli və ya ümumi vannalardan istifadə olunur.Antiseptiklərlə yerli və ümumi vannaların qəbulu sarğı zamanı toxumaların zədələnməsini və ağrı hissiyatını azaldır.

Drenajlanma drenajların köməyi ilə həyata keçirilir.Drenajlara bunlar aiddir:trundalar,tamponlar;yastı rezin,borulu və qarışıq drenajlar aiddir.Trunda tənzifdən olan drenaja aiddir.

Aşağı ətrafın tromboflebiti zamanı tibb bacısı iltihab nahiyəsindəki ağrını azaltmaq üçün iltihab olan nahiyədə hərəkətsizliyi təmin etməli,həkimin təyinatı ilə ağrıkəsicilər yeritməlidir.

“Kəskin qarın” sindromunda ilkin tibbi yardım məqsədilə ağrikəsicilərdən istifadə etmək olmaz,çünki,ağrıkısicilərin yeridilməsi xəstəliyin klinik şəklini təhrif edə bilər. Bu zaman xəstəyə horizontal vəziyyət verməli, qarın nahiyəsinə buz qovuğu qoyaraq təcili sürətdə xəstəxanaya çatdırılmalıdır.

“Kəskin qarın” sindromunda ilkin tibbi yardım məqsədilə ağrikəsicilərdən istifadə etmək olmaz,çünki,ağrıkısicilərin yeridilməsi xəstəliyin klinik şəklini təhrif edə bilər. Bu zaman xəstəyə horizontal vəziyyət verməli, qarın nahiyəsinə buz qovuğu qoyaraq təcili sürətdə xəstəxanaya çatdırılmalıdır.

Əməliyyatdan sonrakı ağırlaşmaya yaranın çapıqlaşması aid deyil.Yaranın çapıqlaşması yaranın sağalmasını göstərir.Ağrı şoku, yaradan qanaxma,tikişlərin aralanması, yara ətrafındakı qızartının baş verməsi əməliyyatdan sonrakı ağırlaşmaya aiddir.

Yerli anesteziaydan sonra əməliyyat sahəsində qanaxmanı və ağrını azaltmaq məqsədilə tibb bacısı əməliyyat sahəsinə buz qovuğunu qoymalıdır.

Kalium permanqanat kimyəvi antiseptik maddə olub,0.1%-li məhlulundan dəri və selikli qişaların yuyulmasında istifadə olunur.Ağız boşluğuna qulluq zamanı tibb bacısı 0.1%-li kalium permanqanat məhlulundan istifadə etməlidir.

Qastrostomalı xəstələrdə hər qidalanmadan sonra stoma ətrafı nahiyə tibb bacısı tərəfindən təmizlənməlidir. Stoma ətrafındakı dəri 0.1%-li kalium permanqanat məhlulunda isladılmış kürəcik ilə təmizlənilir və quru steril kürəciklə qurudulur. Sonra steril şpatel vasitəsilə 0.5sm. qalınlıqda lassar pastası sürtülür. Pastanın üzərinə steril salfet qoyularaq stoma sarınır.

Reanimasion tədbirlər zamanı dil kökünün qatlanmaması üçün xəstəni arxası üstə uzadıb ehtiyyatla başını arxaya əymək və çənəni qaldırmaq lazımdır.Ağız boşluğunda yad cismin olmadığına ,dil tənəffüsə maneəçilik etmədiyinə əmin olmaq lazımdır.Tənəffüs bir də yoxlanılır.Əgər tənəffüs yoxdursa,süni tənəffüs verməyə başlamaq lazımdır.

Müalicəvi immobilizasiya məqsədilə bərk gips sarğısından istifadə olunur.Gips sarğısını hazırlamaq üçün quru gips tozundan istifadə olunur.Gips sarğısı əl ilə hazırlanır və ya aptekdən hazır qablaşdırılmış şəkildə alınır.

Gips sarğısı natamam və tam gips sarğılarına ayrılır.Natamam gips sarğısına longet gips sarğısı və gips çarpayısı aiddir.Tam gips sarğılarına dairəvi,pəncərəli,gips korseti,gips yaxalığı və s.aiddir.Longet gips sarğısı natamam sarğı olub,ətrafın müəyyən hissəsini(yan,ön,arxa)örtür.Gips longeti10-25 sm enlilikdə bintdən 6-8 qat hazırlanır.