Kardiologiya

1) ST seqmentinin depressiyası, 2) Q dişinin olması, 3) sol ön hemiblok və 4) Hiss dəstəsinin sol ayaqcığının tam blokadası tipli dəyişikliklər sabit stenokardiyanın arzuolunmaz proqnozunun əlamətləridir.

Stress perfuzion təsvir geniş yayılmış və özünün proqnostik əhəmiyyətini təsdiqləmiş üsuldur. Yüksək risk xüsusiyyətlərinə aşağıdakılar aiddir:
-dərin yayılmış işemiya
-SM keçici işemik genişlənməsi
-testdən sonra radionuklidin ağciyərlərdə toplanıb qalması

Sabit stenokardiyanin diaqnostika və müalicəsi üzrə klinik protokoldan: Koronar arterioqrafiya aşağıdakı hallarda aparılmalıdır: 1) Daha əvvəl damarın proqnostik əhəmiyyətli nahiyəsində aparılmış PKM 2) Ciddi mədəcik tipli aritmiyalar və ya ürək dayanmasından sonrakı vəziyyət 3) Perkutan koronar müdaxilədən sonra restenoz ehtimalının yüksək olduğu hallar 4) Revaskulyarizasiya icra edilməsini tələb edən simptomlar 5) Revaskulyarizasiyadan sonra təkrarlanan orta və ağır simptomlar

Angiotenzin çevirici ferment inhibitorları

AÇF inhibitorları SS ilə birlikdə hipertoniya xəstəliyi, ŞD, ürək çatışmazlığı, asimptomatik SM disfunksiyası və keçirilmiş Mİ olduğu zaman göstərişdir (A)1. Yuxarıda sadalanan xəstəliklər olmadıqda SS zamanı faydası və əlavə təsirlərinin müqayisəsi aparılaraq, randomizə olunmuş tədqiqatlarda ürək-damar xəstəliklərinin mütləq riskini azaldan AÇF inhibitorları seçilməlidir. Sabit koronar arteriya xəstəliyi olan pasiyentlərdə ürək çatışmazlığı yoxdursa, ramipril və perindopilin profilaktik məqsədlə istifadə olunur (A)1. Belə ki, perindopril 8 mq/sut dozada sübut olunmuş aşağı riskli ÜİX olan xəstələrə (B)4, ramipril 10 mq/sut dozada sübut olunmuş yüksək riskli ÜİX olan (B)4 xəstələrə təyin olunur.